Шојбле: ММФ е принципиелно подготвен за учество во програмата за Грција

Меѓународниот монетарен фонд (ММФ) е подготвен да учествува во третата програма за финансиска помош на Грција, но под определени услови што треба да бидат исполнети, изјави денеска пред Бундестагот германскиот министер за финансии Волфганг Шојбле, пренесува ТАСС.

За владата на Германија учеството на ММФ е задолжителен услов, нагласи Шојбле, додавајќи дека фондот одлуката по тоа прашање ќе ја донесе во октомври.

– ММФ изрази принципиелна подготвеност и понатаму да се приклучи кон програмата, истакна Шојбле.

Германскиот парламент треба денеска за гласа да третиот пакет финансиска помош на Грција.

Шојбле, повторно изрази став против отпис на грчкиот долг, како и дека тоа не се дозволува со европските договори.

Германскиот министер за финансии истакна дека би било неодговорно ако германските пратеници го отфрлат третиот пакет за спас на Атина. – Ако се земе во предвид дека грчкиот парламент веќе усвои голем дел од мерките, би било неодговорно да не се искористи можноста за нов старт во Грција, истакна тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.