Грција и кредиторите постигнаа договор

Грчката Влада претпладнево постигнa договор со кредиторите, јавија грчките медиуми.

Имаме бел чад, имаме договор, изјавил добро информиран извор по денешните средби меѓу грчките и претставниците на меѓународните институции.

Според информациите, како што јави дописникот на МИА од Атина, двете страни направиле компромиси за прашања во врска со „лошите кредити“, фондовите за приватизација и дерегулацијата на пазарот на енергетика.

Сепак, некои детали во врска со реформите остануваат отворени и ќе бидат разгледани од страна на техничките групи.

Договорот е постигнат по маратонските дискусии кои траеја 22 часа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.