Директорот на „Државна Лотарија на Србија“, Александар Вуловиќ, денеска поднесе оставка на функцијата од „морални причини“, јави телевизијата „Н1“.
Како што дознава Б92, вработените во „ДЛС“ биле подложени на полиграфско испитување.
Информацијата за оставката на Вуловиќ пристигнува два дена по скандалот со извлекувањето на броевите во 59то коло од играта на среќа „Лото“ што предизвика сомневања кај јавноста во регуларноста на играта.
Од „Државна лотарија на Србија“ наведуваат дека се било апсолутно регуларно и дека проблемот со извлечените броеви и нивниот приказ во текот на ТВ преносот бил од графичка природа, а не проблем со текот на извлекувањето.
Од српското Обвинителство најавија проверка на целиот случај.
Како што дознава Б92, повеќе лица од „ ДЛС“ кои биле задолжени за организација и извлекување во 59то коло од играта на среќа „Лото“ биле на полиграфско испитување, а според нашите сознанија, сите лица го „минале“ полиграфот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
