Хрватскиот Уставен суд нареди ново судење во предметот против поранешниот премиер Иво Санадер, кој е осуден за корупција, пренесе БТА.
Санадер беше прогласен за виновен за земање поткуп од унгарската нафтена компанија МОЛ во замена за здобивање со контролниот пакет акции во хрватската нафтена компанија ИНА.
Поранешниот премиер ја обжали пресудата.
– Судот ја прифати жалбата и ја укина пресудата – соопшти судот на својот сајт, повикувајќи се на процедурални грешки. Предметот ќе биде вратен во Загрепскиот Окружен суд за ново судење.
Хрватскиот Врховен суд минатата година ја потврди пресудата на Санадер, но ја намали казната од десет на осум и пол години затвор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
