Битолчани во помош на младиот Пеце Роговски

Во Битола за помош на нивниот сограѓанин оваа недела се организираат два настани.

Во недела, 12 јули Петровден, во летниот клуб „Позитив“ ќе настапат неколку битолски диџеи.

Во четврток, пак, на 16 јули во Музејот во Битола со почеток во 21 часот ќе се одржи хуманитарен концерт за помош на младиот Пеце Роговски.

На концертот ќе пеат Ламбе Алабакоски и Димитар Андоновски, а специјален гостин ќе биде и Мики Јовановски – Џафер.

Картите се 150 денари, а средствата собрани од влезниците ќе бидат донирани на сметката на Роговски.

Триесет и едногодишниот битолчанец Пеце Роговоски пред околу една година беше опериран од туморозна творба, т.е лопосаркома миџсоидес на лева глутеална регија на пластична хирургија, во државната болница во Скопје. После тоа беше опериран уште еднаш, а потоа следеше зрачна терапија.

Сето тоа се одвиваше во Скопје, а за тоа беа потребни многу финансиски средства бидејќи траеше 7 месеци.

Пред неколку месеци му е дијагностицирана нова туморска творба на карлица заедно со спиналниот канал поради што повторно беше во Скопје на зрачење и за тоа беа потрошени 120.000 денари.

Сега е потребна итна операција која според информациите ќе чини околу 20.000 евра, а исто така потребни се и финансиски средства за дополнителни снимања и испитувања, како и патни трошоци, сместување.

Роговски е невработен и живее со својата самохрана мајка, која, исто така, е невработена.

ДОНИРАЈТЕ НА:

ВИП: 077 – 143 – 610
ONE: 075 – 143 – 600
T-Mobile: 070 – 143 -181

Сметка за донации во Македонија:
Роговски Пеце
290500007892819
ТТК Банка
200002877989992
Стопанска Банка А.Д. Скопје

Можност за донација на indiegogo.com

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.