Српската музичка ѕвезда Аца Лукас на 25 јули ќе ја отвори охридската концертна сезона со летен концерт на плажата „Немо“ во Охрид.
До 15 јули цената на влезниците е 250 денари. Од 15 јули, цената ќе биде 300 денари и истите можете да ги набавите низ локалните кафулиња и киосци во Охрид, продажната мрежа на „Купикарти за се“, како и на денот на концертот на самата плажа Немо.
Аца Лукас со години наназад важи за миленик на македонската публика. Честопати е гостин на македонско тло, а пред извесно време изјави и дека би сакал свој стан со македонска, односно охридска адреса. Во моментов е актуелен како член на жири комисијата во „Ѕвездите на Гранд“.
Настапот ќе трае до раните утрински часови и освен Лукас на сцената ќе се појават уште многу музички гости.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
