По 12 дена, кипарските банки повторно отворени

По пауза од 12 дена, кипарските банки од утрово повторно ги отворија вратите за клиентите, јави агенцијата „Франс прес“.

Штедачите, кои со душа чекаа да проработат банките, беа пречекани со нови правила. Клиентите ќе смеат дневно да подигаат кеш до 300 евра, а во странство да плаќаат до 5.000 евра без можност за земање готовина за чековите.

Гувернерот на кипарската Централна банка, Паникос Деметријадес, изјави дека одложувањето на отворањето на банките било неопходно за да се воведе контрола на капиталот, која ќе ги спречи депонентите да ги повлечат сите пари од сметките. Тој рекол дека се правеле „натприродни напори за банките да се отворат денеска“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.