Антиќ ги напушти Атланта и НБА и ќе игра за Фенербахче

Перо Антиќ ќе потпише двегодишен договор со турскиот клуб Фенербахче и ќе ја заврши НБА-авантурата во Атланта хоукс, објави неговиот менаџер Мишко Ражнатовиќ на „Твитер“.

„Перо Антиќ ја напушти НБА и ќе потпише двегодишен договор со Фенербахче со можност за едногодишно продолжување“, објави Ражнатовиќ.

Тренер во Фенер е Жељко Обрадовиќ, кој инсистираше македонскиот репрезентативец да го засили клубот од Истанбул.

Антиќ е првиот Македонец што играл во НБА-лигата, а претходните две сезони успешно ги бранеше боите на Атланта хоукс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.