Концерт на ансамблот „Македонија“ на „Скопско лето“

Ансамблот „Македонија“ вечерва ќе одржи концерт „Прозорец кон традицијата“ во рамки на „Скопско лето 2015“. Концертот е планиран во „Сули-ан“, а во случај на дожд ќе се премести во Музејот на македонската борба.

На програмата се ора и песни од Охрид, вокално-инструментални изведби од Скопје, инструментални изведби  на чалгиски инструменти од Велес, како и изведби од пределите Малешевија, Караџова-Меглен, Жеглигово и Овче Поле.

Ансамблот „Македонија“ претставува репрезент на македонската традиционална култура. Активно твори со најдобрите студенти од одделот за етнокореологија при Факултетот за музичка уметност од Универзитетот „Гоце Делчев“ – Штип, како и ученици од ДМБУЦ „Илија Николовски – Луј“ од насоката за традиционална музика и игра-Скопје.

– Во лет­ни­ов пер­и­од актив­но­сти­те се од­лич­ни, сле­ду­ва­ат две кон­церт­ни тур­неи во ју­ли со нат­пре­ва­ру­вач­ки ка­ра­ктер, ка­ко учес­тво на ме­ѓу­на­ро­ден фе­сти­вал во Бур­са – Тур­ци­ја, ка­ко и де­сетд­нев­на тур­не­ја во Пол­ска – Бе­ли Исток. Од 29 ју­ли до 2 август ќе го ре­а­ли­зи­ра­ме се­ми­на­рот за тра­ди­ци­о­нал­на му­зи­ка и игра во Би­то­ла, ка­де што умет­ни­ци­те на ан­самб­лот се вклу­че­ни и ка­ко кур­си­сти, но и ка­ко во­лон­те­ри во ор­га­ни­за­ци­ска­та акти­ва на Ин­тер­на­ци­о­нал­ни­от фе­сти­вал „Илин­ден­ски де­но­ви“ – Би­то­ла. Лет­на­та актив­ност ќе ја за­вр­ши­ме со трид­нев­но го­сту­ва­ње во Гр­ци­ја, по што ќе сле­ду­ва кра­ток од­мор за прет­стој­ни­от есен­ски пер­и­од – изјави Владимир Јаневски, уметнички директор на ансамблот „Македонија“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.