Жител на Арачиново вчера се здобил со прострелна рана во инцидент во близина на селото Мојанци, во кој учествувала група од пет непознати лица.Како што соопшти МВР, вчера во 14 часот во Полициската станица Гази Баба, И.Ј.(1959) од Арачиново, пријавил дека истиот ден околу 10 часот во близина на селото Мојанци на околу 6 километри, од страна на пет непознати машки лица вооружени со ловечки пушки и пиштоли и облечени во цивилна облека, извршено било кривично дело „предизвикување општа опасност“, на тој начин што едно од нив од огнено оружје испукало неколку куршуми кон него, по што лицата се одалечиле во непознат правец.
Со возило И.Ј. бил пренесен во ГОБ „Св. Наум Охридски“ каде му била констатирана влезна рана од куршум во пределот на левиот бут, по што бил задржан на понатамошно лекување.
За настанот запознати се ЕНК-ОКД при СВР-Скопје и Основното јавно обвинителство. Се преземаат мерки за расчистување на случајот
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
