Целиот Интернет ќе се исклучи на полноќ на 30 jуни, 2015 година. Научниците пресметале дека 2015 година ќе мора да биде продолжена за една секунда затоа што треба да се усогласат атомското време со времето на Земјата, поради се побавната и побавната ротација на Земјината топка.
Додавањето на оваа “престапна секунда” во споменатиот момент, би можело да предизвика катастрофални системски рушења на целиот интернет, предупредуваат експертите.
Дополнителната секунда годинава ќе биде вметната за 26 пат од 1972 година, кога тоа било направено за прв пат, по откритието дека “атомското време” е пред времето на Земјата (за две илјадити делови од секунда секој ден). Сега, со цел да се синхронизираат овие две мерења, еднаш на секои неколку години мора да се направи корекција на овој начин.
Она што е различно оваа година е стравот дека дополнителната секунда може да ги сруши системите на многу веб-сајтови кои нема да бидат во можност да ја претрпат оваа промена.
И во 2012 година, кога се случи последното додавање, имаше катастрофални падови, затоа што разни подсистеми се изгубиле во промената на времето. Инаку, ако оваа “екстра секунда” да не се додава, атомското време и времето на Земјата би се разликувале за половина час до 2.700 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
