Две лица загинаа, а едно е тешко повредено во авионска несреќа која се случила во Каштел кај Сплит, Хрватска.
Мал спортски авион во кој се наоѓале трите лица од се уште неутврдени причини се урнал пред самата плажа на која имало голем број туристи и капачи.
Едното тело било пронајдено веднаш, додека нуркачките екипи телото на вториот загинат го пронашле во морските води. Лекарите се борат за животот на третото лице кое е во тешка здравствена состојба, има повреди скршеници на рацете, нозете, но и тешки повреди на главата.
Туристите кои биле сведоци на несреќата велат дека авионот летал нормално, а во еден момент нагло изгубил контрола и се урнал, додавајќи дека поголема трагедија е избегната поради присебноста на пилотот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
