Швајцарските банки пријавиле дури 53 случаи на перење пари во истрагата против ФИФА за доделување на домаќини за Светските превенства во 2018 и 2022 година.
Јавниот обвинител на Швајцарија Михаел Лаубер истакна дека тоа е „огромен и комплексен случај“ кој се води против криминално дејствување и перење пари за време на кандидатурите за ЕП во Русија и во Катар. Според Лаубер организациите на Катар и Русија ќе им бидат одземени доколку се докаже дека имало нелегални постапки.
– Не ми смета доколку овој случај доведе до колатерални штети – рече Лаубер и дополни дека не исклучува можни испитувања и на досегашниот претседател на ФИФА, Сеп Блатер и на генералниот секретар Жером Валке.
Блатер, исто така, е под истрага за корупција и изнуда која ја водат американските правосудни органи во соработка со швајцарските власти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
