Најмалку 16 лица денеска се повредени кога автомобил влетал во ресторан во малиот австралиски град Рејвенш, на север од континентот, притоа удрил во плинска боца, предизвикал пожар и, како што наведоа очевидци, апсолутен хаос, пренесува МИА.
Автомобилот, напладне по локално време, влетал во ресторанот во Рејвенш, што се наоѓа на 1.700 километри северно од главниот град на австралиската држава Квинсленд, Брисзбејн, изјави портпаролот на полицијата, пренесуваат француските медиуми.
– Автомобилот со голема брзина удрил во плинска боца, што потоа се запалила и ресторанот бил зафатен од пожар – изјави тој.
На повредените веднаш им е укажана прва медицинска помош. Повредените главно се здобиле со изгореници, а пожарот бил изгаснат за еден час.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
