Научниците предвиделе дека во 2030 година берзата на трудот ќе биде многу шаренолика и ќе нуди некои сосема нови професии во кои ќе се бара интердисциплинарност.
Носталгичари ќе бидат дизајнери на интериери кои ќе ги оживуваат омилените сеќавања и моменти на своите клиенти. Ако сакате дневен салон од 1980 година или кујна од 1990 година, тоа ќе го сторат носталгичарите. Ова занимање во себе ќе ги обединува терапевтите, истражувачите на историјата и дизајнерите на интериер.
Обновувачи на природата – ова занимање ќе подразбира поправање на штетата која човештвото ѝ ја нанело на природата со текот на годините. Со други зборови – ќе се отстрануваат огради, бетонски конструкции и различни артефакти кои ќе се менуваат со природа и со зеленило. Оние кои ќе се занимаваат со оваа професија треба да имаат познавање од земјоделство и уредување на околината.
Стручно лице за поедноставување – оваа професија многу ќе биде барана во деловниот свет бидејќи целта е поедноставување на секојдневни обврски на вработените внатре во големите фирми. Вештините со кои ќе располага овоа стручно лице се математика и емпатија.
Терапеврт за соочување со смртта – како што ќе се продолжува животниот век, ќе расте и потребата за помош на стручните лица во планирање на последните фази од животот и соочување со смртта. Лицето кое ќе ја работи оваа професија мора да има искуство во социјалната работа, нега на болен човек, образование и психологија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
