Две лица се здобиле со потешки повреди во меѓусебната тепачка што ноќеска околу 1 часот и 50 минути по полноќ се случила на улицата 133 пред угостителскиот објект „Ангел“ во Тетово, информираше портпаролот на СВР тетово Марјан Јосифовски.
Според неговите податоци, тетовците З.Р.(45) и И.М.(33) најпрвин започнале вербална расправија што брзо преминала во физичка пресметка во која користеле тупаници, стаклени и други предмети. При тоа И.М. се здобил со длабока расекотина на левата страна од лицето и по укажаната помош во тетовската клиничка болница бил префрлен на скопските клиники.
Во тепачката со повреди по лицето и главата се здобил и З.Р., кој по укажаната помош бил задржан на лекување во тетовската болница.
Увид извршила екипа на СВР Тетово и се работи на расветлување на инцидентот, рече Јосифовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
