Тој додаде дека наредното разгледување на состојбите ќе биде во јуни и дека не очекува да се смени нешто позначајно за да има позначајни промени и во монетарната политика.
– Внимателно ќе ги следиме движењата и не треба да се очекува загрозување на макроекономската стабилност – порача Богов додавајќи дека Народната банка и во минатото имала вакви тестови и успешно одговорила, макроекономската стабилност била задржана, а курсот на денарот е стабилен од 1997 година.
Оценува дека со оглед на тоа дека политичката ситуација се пролонгира и во цел април и мај, најверојатно, ќе има одредена штета врз економскиот пораст и веројатно проектираниот пораст од 4,1 отсто тешко дека ќе се оствари.
– Ние проектиравме пораст од 4,1 проценти. Тоа е наше основно сценарио во кое не се земени предвид овие политички случувања, но земено е предвид дека тие претставуваат фактор на ризик, кој во тој момент кога ги правевме проекциите, а ги правевме во април, не бевме во состојба да го квантификуваме, односно да го преточиме во бројки и затоа го дадовме само како ризик, ако се материјализира тогаш нашата стапка од 4,1 отсто нема да се оствари- истакна Богов.
Според него, ако заврши побрзо оваа ситуација тогаш таа загуба на растот нема да биде толку голема, ако трае подолго тогаш таа загуба ќе биде поголема.
Доколку потрае состојбата, гувернерот истакна дека би дошло до намалување на производството, инвестициите, побарувачката, пренесување на негативните ефекти врз банкарскиоот сектор и можно е на крајот да дојде до загрозување на макроекономската стаиблност, во такви услови НБРМ го презема тоашто мора за да ја зачува макроекономската стабилност.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
