Курсот на доларот зајакна денес на светските девизни берзи за еден отсто кон кошничката валути, продолжувајќи го нагорниот тренд од минатиот петок темелен на подобрените податоци за инфлацијата, при што курсот на еврото падна под 1,09 долари.
Индексот на доларот, кој ја мери вредноста на американската кон останатите шест светски валути, изутрината достигна 97,109 поени, највисоко ниво за последниот месец, но подоцна благо се намали на 96,956 поени.
Еврото притоа во еден момент падна на 1,0885 долари, по што се стабилизираше на 1,0900 долари, што значи дека доларот зајакана кон еврото за 0,6 отсто во споредба со претходниот ден.
Истовремено доларот забележа највисоко ниво кон јенот за два месеци, искачувајќи се на 121,79 јени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
