Бунтот во затвор Феира де Сантана, североисточен Бразил, при што се убиени девет лица, заврши со ослободување на 70 заложници, соопшти полицијата.
– По 18 часа преговарање бунтот заврши, изјави портпаролот на полицијата.
Бунтот изби во неделата за време на посета во затворот Феира де Сантана, 100 километри од градот Салвадор де Бахи.
Затворениците во неделата убија осум осуденици, а деветтиот подоцна им подлегна на повредите.
Затворениците вооружени со ножеви киднапираа посетители, меѓу кои имаше и жени и деца, барајќи да разговараат со претставници на локалната комисија за заштита на човековите праца за условите во затворот.
Во затворот предвиден за 644 осуденици казна издржуваат 1.467 лица.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
