Актуелниот првак во Формула 1, Луис Хамилтон, оствари најдобро време на првиот тренинг во Монте Карло, каде во недела ќе се вози шестата трка во шампионатот, и тоа, за Големата награда на Монако.
Хамилтон на денешниот тренинг, оствари време од 1 минута и 18,750 секунди што беше за 149 илјадити делови од секундата побрзо од возачот на Торо Росо, Макса Верштапен, кој првпат вози низ улиците на Монте Карло.
Даниел Рикардо од Ред Була со 0,336 секунди заостанување имаше трето, а четврто најбрзо време имаше Себастијан Фетел од Ферари со 0,384 секунди побавно време од Хамилтон.
Возач на Мерцедеса Нико Розберг, кој во Монако беше победник на последните две трки денеска имаше деветто време со повеќе од 1 секунда заостанување зад Британецот. Инаку, доколку Германецот, Розберг, и по трет пат биде најдобар во Монако, ќе биде само вториот возач по легендарниот Аиртон Сена кому му успеало на три трки во низа да биде најдобар во кнежевството.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
