ИД егзекутираше џихадист Албанец

Како што јави дописникот на МИА, станува збор за Ервин Хасанај ,кој заедно со семејството во Сирија заминал во 2013 година.

Според тиранскиот весник „Шекули“, за Сирија го регрутирал и преку аеродромот во Тирана за Истанбул бил испратен од самопрогласениот имам Бујар Хиса од џамијата во селото Мезез, кој една година е во притвор во најобезбедуваниот затвор во Тирана.

– За да биде поубедливо дека оди на семејно патување, со Ервин, сопругата и двете мали ќерки на возраст од две и четири години, биле и братот и мајката на сопругата на Ервин. Сите отпатувале за Истанбул на 11 ноември 2013 година, а по шест дена шурата и тештата на Ервин се вратиле назад во Албанија, наведува „Шекули“.

По езекуцијата на Хасанај, неговото семејство останува и натаму во Сирија, додава весникот.

Информациите, според „Шекули“, се добиени по оперативен пат од страна на албанската тајна служба ШИШ, која потврдува дека официјално Хасанај е 17-тиот загинат албански државјанин од најмалку стотина колку што се на боиштата во Сирија и Ирак.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.