Клучните играчи на Реал Мадрид застанаа зад Карло Анчелоти

Се погласни се шпекулациите кои доаѓаат од Пиринејскиот полуостров дека тренерот на Реал Мадрид Италијанецот Карло Анчелоти ќе си замине од кормилото на „кралскиот“ клуб.
Главните играчи во клубот, Кристијано Роналдо, Герет Бејл, Тони Крос, Серхио Рамос имале неформална средба со претседателот на клубот Флорентино Перез и му ставиле до знаење дека целосно застануваат зад Анчелоти и побарале да не дојде до тренерска смена.
Токму поради тоа мадридските медиуми тврдат дека се поголеми се шансите Италијанецот да остане на клупата и следната сезона.
Како наследници на Анчелоти на клупата се спомнуваа, Бенитез, Лев, Клоп и Зидан, но по ваквата реакција на фудбалерите по се изгледа Анчелоти ќе има шанса да си го одбработи својот договор до крај кој истекува во јуни 2016 година и со тоа би се поклопил првичниот план на Перез по истекот на овој договор на клупата да седне легендата на светскиот фудбал Зинедин Зидан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.