Атланта хоукс и Голден стејт вориорс водат со 3-2 во победи во полуфиналните серии по конференции во НБА-лигата откако ноќеска ги надиграа Вашингтон визардс, односно Мамефис гризлис.
Многу повозбудливо беше во „Филипс арена“ во Атланта каде што мирен лет на популарните „јастреби“ им донесе Ал Хорфорд со кош за победа од 82-81 на 1,9 секунди до крајот. Атланта губеше со 1-2 во серијата, но сега е на една победа од финалето во Источната конференција. Хорфорд беше најефикасен со 23 поени, а Перо Антиќ постигна 4 за 7 минути игра. Кај Вашингтон се врати Џон Вол, постогна 15 поени во првиот меч по повредата на раката, но не успеа да им помогне на Визардс да направат брејк. Ова е прв пораз во плејофот за Вашингтон кога во составот бил Вол. Бредли Бил имаше идентичен ефект како и Хорфорд и постигна 23 поени за гостите.
Идентичен е текот на полуфиналниот серијал до 4 победи и во западната конференција меѓу Голден стејт и Мемфис. Голден стејт, како и Атланта, имаше најдобар биланс во својата конференција, но и се соочи со негатива од 1-2 во победи со Мемфис. Со два успеси по ред воините направија пресврт и им треба една победа за да стигнат на два чекори до титулата. Клеј Томпсон со 21 поен беше најефикасен во победата од 98-78, а Стефон Кари уфрли 18 поени. Кај Мемфис се истакна Марк Гасол со 18 поени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
