Јотингер: Русија шпионираше за време на преговорите со „Гаспром“

Европската комисија редовно е цел на шпионски активности, изјави еврокомесарот за дигитална економија и информациско општество Гинтер Јотингер и нагласи дека Русија ги прислушувала минатогодишните преговори за доставките на гас за Украина,

– Стручњаците постојано ме информираат за напади од и надвор од Европа – додаде Јотингер.

Јотингер додека беше еврокомесар за енергетика минатата година раководеше со преговорите меѓу Украина и Русија, чијашто цел беше да се гарантира дека „Газпром“ нема да ги сопре доставите за Киев и покрај тоа што земјите не можеа да постигнат договор за цените на горивото.

Тој изјави дека преговорите продолжиле и покрај тоа што, како што рече, бил, сигурен дека Русија си давала нечесна предност.

– Убеден сум дека „Гаспром“ знаеше сè за текот на преговорите. За среќа не бевме добро подготвени – рече еврокомесарот.

Јотингер нагласи дека ЕК очекува следните недели извештај од Берлин, во кој ќе биде посочено дали германските агенции пресретнувале информации од Брисел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.