Рускиот претседател Владимир Путин за да обезбеди чисто небо и сончево време на прославата на Денот на победата, на 9 мај ќе потроши 400 милиони рубли (околу 6,7 милиони евра) за авионско прскање на облаците во околината на Москва со коктел од хемиски агенси во раните утрински часови.
Планирано е оваа задача да ја извршат десет авиони „антонов“ и „иљушин“, кои ќе полетаат од базата Чалковски, северно од Москва.
Поради оваа интервенција би можеле да бидат загрозени селата оддалечени и до 90 километри од Москва, кои би можеле да се најдат на удар на поплави, пишува британскиот весник „Дејли мејл“.
Коктелот, кој ќе обезбеди сончев или барем сув ден на 9 мај над Москва е составен од сребрен јодид, течен азот и сув мраз.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
