За шест месеци од грчките банки се повлечени 35 милијарди евра

Во изминатите шест месеци физички лица, фирми и државни компании во Грција повлекле од банките 35 милијарди евра, објави „Катимерини“.

Најмногу пари повлекле физички лица и фирми, а во изминатите два месеца „водат“ фирми во сопственост на државата.

Во март биле повлечени 3,7 милијарди евра, а во април пет милијарди евра.

Според официјални податоци на Централната банка на Грција, во моментот се во оптек 41 милијарда евра – зголемување за 10,9 отсто во споредба со ноември 2014 година (30,1 милијарда евра).

Тоа е еден од највисоките во еврозоната – тие пари се околу 25 отсто од БДП на државата, додека за останатите таа цифра е 6-8 отсто.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.