Македонската водителка Лила Филиповска, веќе неколку години го крие својот љубовен живот од очите на јавноста. Атрактивната домаќинка на телевизиското шоу „Се или нешто“ конечно призна дека подолг период е емотивно исполнета, но од повеќе причини не сака да го открие идентитетот на нејзиниот избраник. Нејзиниот партнер не е позната личност, пишува „Дневник“.
– Со години имам момче, но ако го откријам се ќе пропадне. Тој не сака да се експонира во јавноста и сметам дека нема потреба да го изложувам на медиумски притисок. Ја научив лекцијата и додека не ми се случи третиот брак ќе останам досадна кога е во прашање мојот љубовен живот – појаснува Стојановска.
Таа нагласува дека Македонија не е Холивуд за отворено да зборува за приватноста. Смета дека искреноста може само да и наштети и затоа до овој момент ниту ги демантирала ниту ги потврдувала муабетите за нејзиниот емотивен статус.
– Има една поговорка дека кашлицата и љубовта не можат да се скријат. Тие што барем малку ме познаваат, знаат дека тоа се гледа и на мене. И покрај многубројните работни обврски секогаш имам време, а нормално и желба да бидам со некого. Всушност, како и секоја жена, имам и потреба за тоа – коментира водителката.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
