Подобро е да те осудат на верност, отколку да те наградат за предавство, го започна своето обраќање пратеникот Антонио Милошоски пред присутните во салата „Билјанини извори“ во Охрид, на големиот народен собир на ВМРО-ДПМНЕ.
– За жал СДСМ, Зоран Заев и Бранко Црвенковски мислат дека е подобро да се биде осуден за предавство и нанесување на штета на Македонија – рече Милошоски.
Пратеникот изјави дека Заев и Црвенковски се обидуваат да не разединат, но не успеаа во тоа, тие само не обединија, не охрабрија да направиме повеќе мерки и да сработиме повеќе од она на што сме се обврзале.
– Тие и нанесоа непоправлива штета на Македонија и на нејзиниот меѓународен углед, економски развој, единство со своето однесување – додава тој.
Милошовски потенцираше дека делата на ВМРО-ДОПМНЕ се мерат со бројки, а она што СДСМ го направи во изминатите 25 години е затворање на 25 фабрики, создавање на 20 илјади стечајци во охридско…
– СДСМ создава проблеми и не успеа да ги реши, затоа ВМРО-ДПМНЕ ги реши сите проблеми кои тие ги оставија, проблемите на пензионерите, на учениците, на стечајците… – продолжи Милошоски.
Тоа што Заев го тврдеше дека за три дена ќе ја сруши Владата не му се оствари, посочи Милошоски.
– Владата не е есенски лист, зад неа стојат граѓаните и делата. Нека му служи на чест неговото однесување. Тој со шпионирање нема да стаса никаде. Тој не прави само штета на ВМРО-ДПМНЕ туку и на Македонија – рече Милошоски.
Заев е и ќе помине, Република Македонија ќе остане, заврши Милошоски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
