Шефот на Еврогрупата наскоро очекува договор со Грција

Претседателот на Еврогрупата, Јерун Дејселблум, денеска изјави дека во следните неколку недели очекува Грција и меѓународните кредитори да постигнат нова спогодба, пренесуваат британските медиуми.

Според Дејселблум, во интерес на еврозоната е Грција да остане во монетарната унија, но треба да ги почитува преземените обврски и спогодби ако сака да остане во неа. Според него, меѓутоа, излез на Грција од еврозоната не е варијанта што е на маса.

– Ако Грција ја напушти еврозоната ќе настапи многу опасна нестабилност – предупреди Дејселблум за телевизијата РТЛ.

Грција преговара со своите меѓународни кредитори и има опасност да остане без пари доколку не успее да постигне спогодба за добивање нов кредит.

-Парите почнуваат да секнуваат – подвлече шефот на Еврогрупата.

Кредиторите прогнозираат дека финансиските средства на Атина ќе
бидат доволни само до средината на мај, а во јуни е можно да се појави уште посериозен проблем со нејзината ликвидност, забележа ТАСС

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.