Могерини бара флексибилност при решавање на грчката должничка криза

Високиот претставник на Европската унија за надворешна политика и безбедност Федерика Могерини повика за флексибилност од страна на Европа при решавањето на проблемот со грчката должничка криза, пишува весникот „Нафтемборики“.

– Европа треба да се однесува флексибилно при решавањето на грчката должничка криза и тој чекор треба да биде направен не само од чувство на солидарност, туку и заради општиот интерес. Доколку пропадне еден, пропаѓа целиот систем, јас сум уверена во тоа – рече Могерини.

На отварањето на средбата на министрите за надворешни работи на земјите од Г-7 во германскиот град Лобек, Могерини изјави дека останатиот дел од Европа треба да сфати дека тоа не е едноставно прашање, кое ја засега само Грција.

Таа додаде дека Унијата треба да биде флексибилна не само поради солидарност, туку пред се поради заедничкиот интерес.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.