Грција има потреба од „национална стратегија“ за справување со мигрантите

Грција има потреба од долгорочна „национална стратегија“ со цел да се справи со приливот на мигранти без документи од Средниот Исток, Африка и Азија, изјави грчкиот премиер Алексис Ципрас по денешната средба со европскиот комесар за миграции, внатрешни работи и државјанство Димитрис Аврамопулос.

– Европската унија треба да покаже повеќе солидарност кон луѓето кои бегаат од воените зони – рече Ципрас и додаде дека исто така треба да има повеќе поддршка за земјите на надворешните граници на Европа, како што е Грција, во кои влегуваат повеќето мигранти.

Европската комисија е свесна за потребата од подобрување на сегашните прописи со кои илегални мигранти се враќаат и документираат од страна на државата на ЕУ во која влегле прво, рече Аврамопулос.

– Во моментов е широко прифатено дека нешто мора да се промени – рече еврокомесарот и додаде дека за таа цел ќе биде поднесен сеопфатен предлог.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.