Проклетството на реалните шоуа

Стеван Којиќ („ДНК“) – ја претепа до смрт сопругата пред нивните деца

Пред неколку дена Стеван ја претепал сопругата Жаклина до смрт удирајќи ја со раце и со нозе, додека нивните деца од три, односно една година, биле во соседната соба будни. Од здобиените повреди Жаклина починала пред лекарите да можат да ѝ помогнат. Според епизодата на реалното шоу „ДНК“  во која учетвуваше ова семејство, Стеван се двоумел дека едно од децата не е негово, но резултатите од ДНК анализата биле позитивни, односно го докажале спротивното.

Филип Каписода („ВИП Големиот брат“) – ја застрела во глава девојката и се самоуби

 Неколку месеци по завршувањето на реалното шоу во кое учествуваше во 2010 година, во нивниот заеднички стан, манекенот ја уби својата девојка, познатата српска пејачка Ксенија Пајчин, а веднаш потоа се самоуби.

Зорица Лазиќ, Стеван Зечевиќ и Елмир Кудузовиќ („Големиот брат“) – загинаа во сообраќајна несреќа

Втората сезона на „Големиот брат“ во 2007 година беше прекината откако во сообраќајна несреќа кај Обреновац загинаа тројцата учесници во шоуто. Поради лед на патот и неприлагодена брзина, автомобилот со кој управувал Кудузовиќ, најпрвин се превртел, а потоа завршил во реката Вукодраж.

Антал Скенџиќ („Големиот брат“) – ја уби мајка си

Учесникот на првата пилот емисија на „Големиот брат“ во 2006 година, со нож до смрт ја избоде својата мајка Розалија, по што е осуден на 10 години затвор.

Извор: Пулс онлајн

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.