Американски ескадрен миноносач вплови во Црното Море

Американскиот ескадрен миноносач „Џејсон Данам“ вплови во водите на Црното Море, соопшти денеска претставник на Главниот штаб на руската Поморска флота. Aмериканскиот воен брод впловил во Црното Море преку теснецот Босфор .

Во исто време, Шестата флота на американската Воена морнарица соопшти дека бродот вплови во Црното Море со цел „да ја демонстрира желбата на САД заедно со сојузниците да ги гарантира безбедноста и борбената готовност и да ги поддржи мирот и стабилноста на сојузниците од НАТО во регионот“.

– За време на престојот во Црното Море бродот ќе извршува помошни задачи во рамки на операцијата „Атлантска решителност“, се наведува во соопштнието на американската Шеста флота.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.