Жител на скопското село Грчец му репетирал пиштол на скопјанец од Ѓорче Петров. Според пријавата на триесет и тригодишниот скопјанец, во саботата вечерта околу 22.15 часот тој застанал со својот автомобил „Сеат ибица“ на улица „Ѓорче Петров“ кај кружниот тек. Излегол од автомобилот за да провери некој дефект на возилото.
Во тој момент забележал дека во негова близина застанал автомобил „БМВ“ од кое излегле три лица со маски на главите и едно лице од Грчец, чиј идентитет му бил познат на скопјанецот кој го пријавил случајот. Лицето извадило пиштол и го репетирал, скопјанецот избегал и слушнал истрел од огнено оружје.
Увид на лице место извршила екипа од СВР-Скопје. Се преземаат мерки за расчистување на настанот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
