Никола Маџиров на поетски средби во Белград

Никола Маџиров учествува на Меѓународните поетски средби во Белград во организација на Белградскиот центар за култура чие главно мото е „Чуму поезија”, а во чиј фокус е современата европска поезија. Настанот почнува во петок, а главен повод е одбележувањето на Светскиот ден на поезијата. Освен Маџиров, учествуваат и поети од Австрија, Шпанија, Летонија, Полска, Ирска, Чешка, Франција и други земји. Освен читања, ќе се разговара и за сложениот односот меѓу поезијата и медиумите. Истовремено, во Балтимор, САД, на 19 март ќе биде отворена изложбата „Дом – Проект 837” која вклучува слики, фотографии и поезија од уметници од речиси сите страни на светот. Маџиров е претставен со неколку песни кои го отвораат прашањето на домот и современото номадство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.