Њујорк никс го сопна шампионот во НБА лигата Сан Антонио спарс во меч што беше решен по продолжение од 5 минути, а Детроит пистонс ја прекина црната серија од 10 порази со триумф против Мемфис.
Кавај Ленард промаши шут за победа за Спарс при резултат 96-96, шанса што ја искористи најслабиот состав во Лигата Њујорк никс и во дополнително време го победи шампионот со 104-100.
Детроит го почна дуелот со фаворитот Мемфис со црна серија од 10 порази, а Реџи Џексон и соиграчите не дозволија нов пораз. Џексон забележа феноменален дабл-дабл со 23 поени и 20 асистенции за триумф од 105-95 за Пистонс. Со 20 асистенции Реџи забележа личен рекорд.
Резултати: Њујорк – Сан Антонио 104-100 (по продолженија),Детроит – Мемфис 105-95, Хјустон – Орландо 107-94, Њу Орлеанс – Милвоки 85-84, ЛА Клиперс – Шарлот 99-92.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
