Во близина аеродромот Никола Тесла во Белград синоќа се случила хеликоптерска несреќа во која според неофицијалните информации загинати се седуммина меѓу кои и едно бебе.
Леталото полетало од Рашка каде што било ангажирано во спасување на бебе, родено пред пет дена. Посадата на воениот хеликоптер требала да го спаси бебето кое било заглавено на пат кон Крагуевац во возило на итната медицинска помош, а кое не можело да стигне до болницата поради одрон на патот.
Воениот хеликоптер долго кружел околу аеродромот во Белград безуспешно обидувајќи се да слета поради лошите временски услови.
По три часа кружење контролата на летањето околу 3 часот изутринава го изгубила контактот со посадата на леталото. Причините за падот се се уште непознати.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
