Љупка Џундева на 81 година повторно ќе ја гледаме на театарската сцена

Љупка Џундева во „Вујко Вања“ го толкува ликот на дадилката на Соња

Љупка Џундева (1934) по пауза од десетина години повторно се враќа на театарската сцена. Доајенот на македонското глумиште в недела ја очекува премиера на антологиската „Вујко Вања“ во Македонскиот народен театар (МНТ). Последен пат Џундева играше во „Опасни врски“, кој беше на репертоарот на МНТ во 2006 година, а претставата се играше во објектот „Центар“. Таа е среќна што на нејзина возраст режисерката Зоја Бузалковска ја повикала да учестува во „Вујко Вања“.

– Не ме повикале одамна и кога ми се јавија и ме прашаа дали сакам до глумам во „Вујков Вања“ веднаш реков: Сакам! Многу го сакам Чехов, сум играла во две негови претстави. Многу ми е драго што играм на сцената на новиот театар, кој е изграден на местото на нашиот, стар објект. Кога играв во стариот објект на МНТ бев млада за улогите во драмите на Чехов – вели Џундева.

Таа е многу благодарна на своите колеги за целиот процес на работа, додека се подготвувала претставата.

– Благодарна сум како ме примија, како се однесуваа со мене, со голема почит, љубов и разбирање – рече Џундева.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.