Помошничката на американскиот државен секретар Викторија Нуланд денеска изјави дека на Крим и во источна Украина вледее терор и ја обвини Русија за повеќе од 6.000 загинати луѓе.
– Додека Украина гради мирољубива, демократска и независна нација на 93 отсто од својата теорија, Крим и делови од источна Украина страдаат од владеење на теророт, истакна Нуланд пред надворешнополитичкиот одбор на американскиот Сенат.
Таа посочи дека Крим е под илегална окупација и оти таму кршењето на човековите права е правило, а не исклучок.
– Во источна Украина, Русија и нејзините сепаратистички марионети покренаа неописливо насилство и грабеж.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
