Времето утре во Македонија ќе биде претежно облачно. Во западните и крајните северни делови ќе има повремени врнежи од дожд и снег, додека пак на повисоките места и на планините врнежите ќе бидат претежно од снег. Ќе дува слаб до умерен ветер од северен правец.
Утринската температура ќе се движи од минус еден до четири, а дневната од три до осум степени.
Во Скопје времето ќе биде облачно со повремен слаб дожд особено попладне и во текот на ноќта. Не е исклучено дождот да премин краткотрајно во снег. Ќе дува слаб до умерен ветер од североисточен правец.
Утринската температура ќе се спушти до два, а дневната ќе се искачи до пет степени.
Во наредните денови ќе се задржи променливо облачно време со повремен дожд и слаб снег, на југоистокот врнежите ќе бидат претежно од дожд, додека на планините од снег.
Во четврток и петок ќе дува умерен северен ветер кој на моменти наместа ќе засилува.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
