Објавената фотографија на Синди Крафорд е лажна

Фотографијата на Синди Крафорд, која се појави на интернет и за која се тврдеше дека не е обработена, била лажна.

Ова го објави фотографот кој ја направил фотографијата. Според него, сликата е променета за моделот да изгледа полошо.

– Фотографијата на Синди Крафорд, која ја направив за декемврискиот број во 2013 на „Мари Клер“ Мексико, е украдена или незаконски присвоена, а потоа злонамерно е променета и распространета по медиумите – се вели во соопштението на Џон Русо, до „Еј-Би-Си њуз“.

Фотографијата која се појави на интернет минатиот месец и брзо стана многу популарна, го прикажа моделот за долна облека со сите несовршености на телото на една жена на 49 години, која родила две деца.Овој природен изглед на Крафорд на социјалните мрежи наиде на „Браво, Синди!“.

Фотографијата се појави прво на „Твитер“, на профилот на репортерот на „Ај-Ти-Ви“, Шарлин Вајт, која објасни дека ја пронашла на блог за мода.

Списанието, исто така, потврди дека фотографијата е украдена. Но, го кажа своето видување за неа.

– Без разлика од каде доаѓа фотографијата, тоа е просветлување. Секогаш сме знаеле дека Крафорд е убава, но гледајќи ја на тој начин, тоа нѐ тера да ја сакаме уште повеќе – изјави во февруари редакцијата на „Мари Клер“.

Неколку недели подоцна и фотографот ја кажа својата верзија за тоа што се случило.

– Лажно е тврдењето дека оваа фотографија претставува необработена фотографија на Синди Крафорд. Тоа не е вистина. Тоа е измама, тоа е изменета верзија на мојата фотографија. Всушност благодарен сум што тој факт стана јавен и медиумите се коригираат – додаде Џон Русо.

Ниту Синди Крафорд ниту „Мари Клер“ не ги коментирале тврдењата на фотографот.

Со развојот на оваа тема, сопруг на моделот, Ренди Гербер, објави на Инстаграм фотографија на својата сопруга, во костим за капење, за да покаже како таа реално изгледа.

– Таа доби цвеќиња , а јас ја добив неа. Среќен Ден на вљубените, напиша тој под фотографија, која го покажува беспрекорното тело на моделот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.