Со блиц криг милионерите го шокираа Шалке

Блиц криг кој траеше само 8 минути од 78. до 86. минута им беше доволен на фудбалерите на Борусија Дортмунд за да го декласираат големиот ривал Шалке 04 со 3-0 во дербито на Рур. Тоа е едно од најголемите ривалства во германскиот фудбал, а популарните „милионери“ потполно заслужено славеа на убедлив начин.

Обемејанг го отвори бункерот на гостите од Гелзенкирхен во 78. минута, само 120 секунди подоцна Михтарија погоди за 2-0, а печат на блескавата победа на Борусија стави Марко Ројс во 86. минута по големата грешка на голманот Веленројтер. Тинејџерот на голот на Шалке 04 се обиде да дрибла, а Ројс умешно ја искористи авантурата на Веленројтер и му даде гол за убедливи 3-0 во рурското дерби.

Резултати: Борусија – Шалке 04 3-0, Хановер – Штртгарт 1-1, Баер – Фрајбург 1-0, Хофенхајм – Мајнц 2-0, Херта – Аугсбург 1-0. Вчера: Баерн – Келн 4-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.