„Јутјуб“ ја претстави новата верзија на сервисот наменет за деца. „Јутјуб кидс“ е достапен за преземање преку „ап стор“ и „гугл плеј“.
Досега „Јутјуб“ за родителите претставуваше меч со две острици. На платформата веќе постојат многу содржини прилагодени за деца, но не и ефикасен начин за уредување кој ќе ги заштити децата од непримерни содржини.
„Гугл“ наведува дека „Јутјуб кидс“ не е специјализиран за некоја посебна возраст, но на нивниот блог наведуваат дека потенцијални корисници би можеле да бидат тригодишни и четиригодишни деца.
Родителите можат со помош на вградениот тајмер за ограничување на времето да одредат колку време децата ќе минат на мрежата и тоа во моментот кога ќе ја покренат апликацијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
