Фустанот, во кој минатогодишната добитничка на Оскар, Лупита Нионг блесна на црвениот килим на 87-то свечено доделување на наградите, е украден од нејзината хотелска соба, пишува ТМЗ.
Фустанот е креација на модната куќа Келвин Клајн, а за нејзина изработка биле неопходни да се вткаат дури шест илјади бисери. Вредноста на овој фустан е 150.000 долари.
Како што изјави актерката во полицијата, фустанот исчезнал во вторникот, во утринските часови меѓу 8 и 9 часот. Во тој период Лупита не била во собата, а кога се вратила видела дека фустанот е украден.
Претставник од полицијата во Лос Анџелес ја потврди оваа информација.
– Можам да потврдам дека фустанот исчезна од собата во хотелот „Лондон“ кој припаѓа на актерката, Лупита Нионг. Моментално ги разгледуваме сите можности, а една од нив е дека собарката ја оставила вратата отворена додека чистела, што го искористиле потенцијалните сторители, рече тој.
Тој исто така, рече дека истрагата е во тек и дека полицијата ги испитува сведоците.
Управата на хотелот „Лондон“ исто така, ја потврди оваа информација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
