Сите тие што сонувале да бидат кралеви или кралици, макар и на еден ден, сега може да го исполнат својот сон во унгарското село Меѓер.
Имено, за само 690 евра на ден, секој поединец може да биде „владетел“ на ова село што се наоѓа на 190 километри од Будимпешта.
Меѓер има само 18 жители, а за 690 евра дневно, освен апсолутната власт, „владетелот“ добива и седум куќи со апартмани во кои може да спијат 39 лица, четири улици, автобуска станица, штала, кокошарник, шест коњи, две крави, три овци и четири хектари обработливо земјиште.
Привремените владетели можат и да ги меуваат имињата на улиците по своја желба. Лицата што ќе ја платат наведената сума за владеење со местото, исто така, можат да станат и заменици на градоначалникот, Кристоф Пајер.
Пајер смета дека Меѓер е „оаза на мирот“ со преубави места и со необична туристичка понуда.
– Еднаш кога туристите ќе седнат на ливада и ќе отворат шише вино, ништо друго не им е важно – објасни Пајер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
