Престижната награда Прицкер, која често ја нарекуваат и Нобелова награда за архитектура, оваа година ја доби јапонскиот архитект Тојо Ито.
Зградите на Ито, вклучувајќи библиотеки, театри, станбен и деловен простор, се пофалени поради флуидната убавина и балансот меѓу физичкиот и виртуелниот свет.
Името на добитникот вчера во Лос Анџелес го прочита жири во кое оваа година беше и судијата на Врховниот суд на САД, Стивен Брејер.
Ито (71) е шестиот јапонски архитект што ја добива оваа престижна награда.
Брејер во соопштението наведе дека архитектурата на Ито „го подобрила квалитетот на јавниот и приватниот простор“ и „инспирирала многу архитекти, критичари и јавноста“.
Ито ќе добие чек на 100.000 долари и бронзен медал на церемонијата на 29 мај во Претседателската библиотека во музејот на Џон Ф. Кенеди во Бостон.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
