Македонски манифест: Да не попуштиме пред надворешни и внатрешни фактори кои сакаат да ги загрозат интегритетот и суверенитетот

Граѓанската иницијатива „Македонски манифест“, упати отворено писмо против уривањето на државноста и националниот интегритет.

Создавањето и постоењето на „Македонски манифест“ е поврзано со зачувување на македонското име (идентитет) и територијалниот интегритет на македонската држава која веќе 25 години е под силен притисок на надворешни и внатрешни непријатели.

„Македонски манифест“ секогаш бил против поставување на партиските интереси над националните и државните, затоа што со нив се прават поделби на македонскиот народ и се урива државноста.

Денешната драматична состојба во Република Македонија наликува на таа од пред 2001 година. Иста е и целта. Затоа ги повикуваме граѓаните на Република Македонија да бидат единствени и спремни на силен отпор против сите кои работат на разнебитување на македонската држава. Мора да внимаваме на состојбите во македонските државни институции, но и на однесувањето на политичките партии. Не смееме да попуштиме пред надворешни и внатрешни фактори кои би имале за цел да го загрозат македонскиот државен интегритет и суверенитет.

 Истровремено, Македонски манифест ги повикува двете најголеми македонски партии да не си играат со македонските национални интереси затоа што Република Македонија не е нивна приватна сопственост“, се вели во писмото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.