Утрово имаме претежно облачно време, во западните и во југоисточните делови со локален слаб дожд, на Маврово паѓа слаб снег. Дува слаб до умерен ветер од јужен и од југоисточен правец. Утринската температура се движи од -1 до 8 Целзиусови степени , и тоа:
-1 Маврово, 0 Лазаропое, Крушево, 2 Тетово, 3 Прилеп, Берово, К. Паланка, 4 Скопје – З.Рид, Куманово, Охрид, Битола, 5 Скопје – Петровец, Кавадарци, 6 Штип, Струмица, Виница, 7 Д. Капија до 8 Гевгелија и Дојран.
Во текот на денот времето ќе биде претежно облачно, претпладне и околу пладне со слаб локален дожд, на планините слаб снег. Доцна попладне облачноста ќе се намали. Ќе дува слаб до умерен ветер од југоисточен правец, кој ќе биде повеќе изразен долж Повардарието. Максималната температура ќе биде во интервал од 8 до 13 степени.
Во Скопје ќе имаме претежно облачно време, претпладне со услови за слаб дожд. Ќе дува слаб до умерен југоисточен ветер. Дневната температура ќе достигне до 11 степени.
Утре ќе настапи преодно стабилизирање на времето, а од среда повторно следува период на променливо облачно време со повремени локални врнежи од дожд, на планините од снег. Поинтензивни врнежи ќе има во среда преку денот кога на места се очекува да нвврнат околу 20 л/м2, со засилен југоисточен ветер, а можна е и ретка појава на грмежи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
