Турскиот институт за стандардизација (ТИС) донесе заклучок со кој се утврдуваат стандардите за еден од најпознатите турски десерти, турската баклава, која отсега мора да биде со златножолта боја и со дебелина 3,5 сантиметри.
Според оваа одлука, баклавата не смее да има густ прелив.
Утврдено е дека некои производители место ф’стаци, користеле сушен грашок во прав или други растителни производи, а место масло, користени се трансмасти и други имитациски материјали.
Со усвојување на стандардите на ТИС, јасно е дефиниран правилникот во користење на намирниците што се потребни за правење баклава, како и начинот на нејзино подготување, со оглед дека баклавата во турските региони се подготвува на различни начини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
