Премиерот Груевски се сретна со американскиот амбасадор Бејли

Премиерот Никола Груевски денеска се сретна со новоименуваниот американски амбасадор Џес Бејли.

На средбата, како што соопшти прес-службата на Владата, поздравени се билатералните односи помеѓу двете земји и изразена е посветеност кон нивно континуирано унапредување и продлабочување. Истакната е и определба за интензивирање на соработката во сите сфери од заеднички интерес.

Соговорниците разговарале за реформите што се спроведуваат во Македонија и за актуелната политичка состојба при што премиерот Груевски ја истакнал стратешката определба на државата за интеграција во евроатлантската заедница и за унапредување на стандардите во сите општествени области.

Двајцата соговорници го истакнале и значењето на соработката во областа на мировните мисии во кои учествуваат и македонските мировници под раководство на НАТО.

Разговарано е и за можностите за зголемување на економската соработка, трговската размена и соработката на полето на инвестициите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.